New Delhi : Lok Sabha intikhabaat ke elaan ke sath hi zabita-e-ikhlaq nafiz honay ke baad Election Commission ki janib se sakht iqdamaat karne ki wajah se 1582.19 crore rupay naqad, Sona, Chandi, Sharaab aur nasheeli ashiya Zabt ki jachuki hain .
Election Commission ki janib se 3 April tak di gayi tafseelaat ke mutabiq majmoi karwai mein 377.511 crore rupay naqad hain. commission se mossola tafseelaat ke mutabiq sab se ziyada 705. 701 crore rupay qeemat ki manshiat zabt ki gayi hain. sab se ziyada manshiat Punjab mein zabt ki gayi. Punjab mein 116.18 crore rupay qeemat ke 259 KG manshiat zabt ki gayi. is douran 157. 489 crore rupay qeemat ki sharaab pakdi gayi .
Maharashtra mein sab se ziyada 14.38 crore rupay qeemat ki 19.09 million litre sharabghair qanooni tor se le jayi ja rahi thi. Uttarpradesh mein 35.21 crore qeemat ki 12. 34 million litter sharaab zabt ki gayi hai. Rajasthan mein 5.04 crore rupay qeemat ki 2. 18 million litter jabkay Punjab mein 2. 49 million litter sharaab pakdi gayi jis ki qeemat 4.75 crore rupay hai .
Sona, Chandi aur deegar qeemti samaan 312.859 crore rupay aur muft baantane ke liye le jayi ja rahi 28.629 crore rupay qeemat ki mukhtalif qisam ki cheeze zabt gayi hain. Tamilnadu mein 135.6 crore rupay qeemat ki 884 KG Sona Chandi aur deegar qeemti samaan zabt kiya gaya jabkay Uttarpradesh mein 60.29 crore qeemat ki 22. 7 KG Sona Chandi aur deegar qeemti cheeze zabt gayeen . –YTN STAFF