Prakasham ( Andhra Pradesh ): Ek hi halqay mein agar ek hi naam ke umeedwar siyasi maidan mein ajayeen to awam ke liye yeh imthehaan ki ghadi hojati hai kyunkay votoroun ka raye dahi ke din pareshani ka saamna karna padsakta hai aur ab aisa hi imthehaan Telugu riyasat ke awam ko dena padsakta hai. Andhra Pradesh ke Prakasham zila ke Parchur halqa se ekhi naam ke do umeedwaar maidan mein hain lekin un ki partiyan allag aur intikhabi nishanaat bhi alag hain jis ke baad awam naay raahat ki saans li hai .
Ek hi naam ke do umeedwaar is waqt mauzo behas hain. Parchur se asal oppostion YS Congress party ke umeedwaar sabiq reyasti wazeer Daggubati Venkateswara Rao hain jinhon naay guzashta roz parcha namzadgi daakhil kiya. Daggubati Venkateswara Rao, Telugu Desam party ke baani NTR ke damaad hain jinhoun naay haal hi mein YSR Congress party mein shamoliat ikhtiyar ki hai aur party naay unko Parchur halqa se umeed waar banaya .
Isi halqa se Ongole ke rehne walay hum Nami Daggubati Venkateswara Rao jin ka talluq Praja Shanti party se hai, naay bhi isi assembly halqa se parcha namzadgi daakhil kiya. un dono umeedwaron ke naam ek zaroor hain lekin YSR Congress se talluq rakhnay walay Daggubati Venkateswara Rao intikhabi nishana pankha hai jabkay Praja Shanti party ke umeed waar Daggubati Venkateswara Rao ka intikhabi nishaan Helicopter hai .
Y THIS NEWS STAFF