Cairo: Coronavirus taqreeban saari duniya ko apne qehar se mutasir kardiya hai lekin Misar mein ek hi khandan ke 30 afraad is wabai Virus ka shikaar honay ke alawa un mein 2 afraad is dunyae faani se coach bhi kar chukay hain. Misri hukkaam ne kaha hai ke shumali Cairo mein 2 khandanoun mein Corona phelnay ke baad pooray ilaqay ko band kardiya gaya hai jab ke tamam mutasirah afraad ko maayne aur ilaaj ke liye dawakhana muntaqil kardiya gaya hai.
Corona ka shikaar honay walay khandan ke 2 logoun ne Media se baat karte huve kaha ke ek hi khandan ke taqreeban 30 afraad mein Corona ki tasdeeq ki gayi hai. Mutasirah afraad Behtiyam ke ilaqay mein 2 sadkoun ke aas paas rehtay hain. Corona ke mutasirah 25 sala mareez Nasir Al-Sid jisay is waqt Kafr El-Zayat shehar ke ek dawakhane mein daakhil kiya gaya hai, Is ne kaha ke is ka qissa 2 haftay qabal shuru huva. Is ke 50 sala Chacha Abdul Raoof Nasir ku achanak teez bukhaar shuru huwa. Is ke seenay mein shadeed takleef mehsoos huvi aur ghayer-maa-mooli noiyat ka nazla zukam bhi shuru hogaya. Wo apna muaina karanay Shebeen El-Kom ke ilaqay mein ek baday dawakhane mein gaya. Wahan Doctors ne usay bataya ke wo sardiyoun ke sakht noiyat ke nazla zukam ka shikaar hai. wo ghar wapas aaya is ki Sadi, phophyan aur deegar khawateen der tak is ke paas baithi rahen aur is ki ayadat ki. Nojawan ne mazeed kaha ke jis noiyat ki bemari is ke baday Chacha ko thi inhen alamaat par mabni bemari un ke chacha abdalftah Nasir ko bhi lag gayi. Inhen isi dawakhane le jaya gaya. Wo bhi mamool ke nazla zukam aur bukhaar ki dawa le kar wapas aagaye aur un ki ayadat ke liye bhi deegar aqareb jama huve.
Is ke baad ek ke bad ek deegar un ke khandan ke afraad ko aisi hi kefiyat mein dawakhane le jaya jata raha. Aakhri baar un ke Chacha Abdul Raoof ko ek dawakhane le jaya gaya jahan Doctors ne bataya ke wo Corona ka shikaar ho chukay hain. Isi khandan ke ek dosray fard Ahmed Saqir jo corona ka shikaar huve hain inhen Corona ghar ke dosray afraad se laga hai aur ab un ke khandan ke 30 afraad mein corona ki tasdeeq hochuki hai. Corona ka shekar hune walay 2 afraad halaak ho chukay hain ke Hisham Al-Sed aur Abdul Raoof Al-Sed ki haalat tashweesh-naak bataaye jati hai. –YTN STAFF