New Delhi: Purani Delhi mein waqay Jama Masjid ilaqay mein ek hi khandan ke 11 afraad Coronavirus ki zad mein aagaye hain. Coronavirus Infection ke shikaar ye sabhi loog Jama Masjid ke Walan ilaqa mein rehtay hain. Ye ilaqa purani Delhi mein sab se ghani abadi wala ilaqa hai. Bataya ja raha hai ke jin 11 logoun mein Corona ki tasdeeq huvi hai un mein 2 mahinay aur 12 saal ke bachay bhi shaamil hain. Is khabar se ilaqay mein dehshat ka mahol peda hogaya hai.
Media ke mutabiq Corona Positive paye gaye sabhi logoun neh khud hi khangi dawakhane mein apna muaina karwaya tha aur jab nateeja aaya to pata chala ke khandan ke 11 afraad Coronavirus Infection ke shikaar hain. Qabil zikar hai ke Chudi walan ilaqa mein kayi jagah par 2 gharoun ke darmain 2 Meter ki doori bhi nahi hai aur is wajah se logoun mein Infection phelnay ka khatrah bohat ziyada hai. Chudi Walan Jama Masjid se taqreeban nisf kelo Meter ki doori par hi waqay hai aur yahan 3 bhaiyoun ka mushtarqa khandan rehta hai. Is mushtarqa khandan mein kul 18 arakeen hain. Is terhan dekha jaye to 7 arakeen Corona se mehfooz hain, Lekin ahteyatan ye sabhi phir se jaanch karwane walay hain.
Mossola it-tila-aat ke mutabiq is khandan ka ek rukan beroun mulk ka safar kar ke Hindustan lota tha. Is rukan ke khandan mein sab se pehlay Corona phela aur is waqt beroun mulk se lautay shakhs ka ilaaj hospital mein chal raha hai. Khandan ke baqi afraad neh Test karwane ka faisla is waqt liya jab 3 logoun ki tabiyat kharab rehne lagi. Bataya jata hai ke jin 11 logoun mein Corona ki tasdeeq huvi hai, Un mein se 3 ki haalat sangeen hai. Un tenu ko Delhi Gate waqay LNJP Hospital mein ilaaj ke liye daakhil karwaya gaya hai.
Ab is ilaqay mein mehakma sahet ke ahdedar logoun ki jaanch ke liye poanch gaye hain. Ek ohdedar neh kaha ke ab hum un sabhi ashkhaas ki shanakht kar rahay hain jo ke guzashta dinoun is khandan ke raabtey mein aeye they. Ghhor talabb hai ke Delhi mein Corona Hospital yani Contentment Zone ki tadaad badh kar 90 hogayi hai. –YTN STAFF