New Delhi: Hindustani sabiq All Rounder aur Sixer King ke naam se maroof Yuvraj Singh ne Rajasthan Royals ke Batsman Rahul Tewatia ke 6 gaindon mein 5 chhakay maarny par kaha hai ke ek gaind chod dainay ka shukriya Tewatia. Tewatia ne Kings Xi Punjab ke khilaaf Sheldon Cottrell ke khilaaf ek over mein 5 chhakay lagaye. Unhoun ne 18 we over ki pehli 4 gaindon par chhakay maaray lekin panchwin gaind zaya kar di. Taham unhoun ne chhutti gaind par ek aur chakka lagaya aur Sheldon Cottrell ke ek over mein 30 runs banaye. Match mein over baday score ke sath faisla kin saabit huwa aur Rajasthan ne yeh Match 4 wickets se jeet liya. Yuvraj ne kaha ke hasmuk chehray ke Tewatia bhai ek gaind zaya karne par aap ka shukriya. Yeh vaqata ek zabardast match tha. Is azeem fatah ke liye Rajasthan ko mubarakbaad. Mayank Agarwal aur Sanju Samson ne bhi umdah khail khela. Qabil zikar hai ke Yuvraj ne 2007 ke Twenty 20 World Cup mein England ke fast bowler Stuart Broad ke ek over mein 6 chhakay lagaye thay.
Yaad rahay ke Kings Xi Punjab ke khilaaf Match ke Hero Rahul Tewatia ne apni Inning ki ibtidayi 20 gaindon ko apne career ki sab se kharab gaind qarar dete hue kaha ke inhen apne oopar behtareen khail ka yaqeen tha. Match ke baad Tewatia ne kaha ke mujhe ab achi lag raha hai. Ebteda mein 20 gainden mere career ki bad tareen gaindin theen. Is ke baad mein ne hit karna shuru kiya. Dug out jaanta tha ke mein gaind ko hit kar sakta hon aur mujhe bhi maloom tha ke mujhe apne oopar yaqeen karne ki zaroorat hai. Yeh sirf ek chhakay ki baat thi. Ek hi over mein 5 chhakay lagey. Yeh herat angaiz tha. Mein ne league Spinner ko nishana bananay ki koshish ki lekin maar nahi saka tha is liye mujhe dosray Bowlers ko nishana banana pada. Rahul Tewatia ne ek waqt mein 19 gaindon par sirf 8 runs banaye thay. Jos Butler ( 4 ) ke baad Smith aur Samson ne Royals ki Inning ko sanbhala aur aisa lagta tha ke Tewatia apni tamam mehnat rayegan kar den ge lekin bil akhir Hero ban kar ubhray. Rahul Tewatia ne shuru mein bohat sust khela jis ki wajah se team shikast ke dhanay par pohanchi lekin 18 we over mein Tewatia ne 5 chhakay lagaye aur team ko fatah ki dehleez tak pouncha diya. Is terhan ek waqt mein Tewatia Rajasthan ka hero ban gaye.
Is terhan Rajasthan Royals ne 27 September ko Indian Premier League mein sab se bada hadaf haasil karne ka 12 sala purana Record toad diya. 224 runs ka hadaf Royals ke samnay tha. Usay aakhri 3 overs mein 51 runs darkaar thay. Aisi sorat-e-haal mein Tewatia ne Sheldon Cottrell ku ki inning ke 18 we over mein 5 chhakay laga kar poori soorat-e-haal tabdeel kar di. Naye Batsman Jofra Archer ne 3 gaindon par 13 not out ke ilawa unhoun ne Mohammad Shami ku lagatar 2 chhakay lagaye jab ke Tewatia ne isi over mein ek chhakay ki madad se apni nisf century mukammal ki. Royals 19.3 over mein 6 wicketon par 226 runs bana kar kamyabi haasil ki jabkay is ne aakhri 5 overs mein 86 runs banaye.