Prayagraj : Uttar pradesh ki Yogi hukoomat ne peer ko zila mein ek din mein 6 qatloun ke baad senior Superintendent police ( SSP ) Atul Sharma ko ohda se hata diya.
Additional chief secretary, Avanish Awasthi ke mutabiq Satyarth Anirudhh Pankaj ko prayagraj mein naya SSP muqarrar kiya gaya hai.
It-tila-aat ke mutabiq itwaar ke roz 6 qatloun se zila mein khauf wo haraas phail gaya. Dhoomanganj ke ilaqay Chauphatak pull par teen afraad ko goli maarkar halaak kar diya gaya. is qatal ki wajah deewar taamer karne se mutaliq tanaza bataaye gayi hai. is silsila mein 10 afraad ke khilaaf FIR darj ki gayi hai, jin mein se 8 afraad ko giraftar kiya gaya hai.
Isi tarha dosray waqiya mein Korari gaoun mein ek jode ko tez dhaar hathyaar se mara gaya. yeh joda Santosh aur Seema , par is waqt hamla kiya gaya jab woh so rahay the.
Teesray waqiye mein, Alapur ke ilaqay mein na maloom afraad ki firing se 1 shakhs ko halaak kar diya gaya. maqtool ke lawahiqeen ne paanch afraad ke khilaaf FIR darj karayi hai. purani dushmani is qatal ki wajah bataaye gayi hai. –YTN STAFF