Hyderabad : Eid ul zuha ke liye ek hafta bacha hai, city police eid ke pur aman ineqad ko yaqeeni bananay ke liye tamam iqdamaat kar rahi hai. peer se police hukkam shehar mein ghair qanooni tor par maweshiyoun ke dakhlay ki jaanch padhtaal ke liye poorey shehar mein check post qaim kar rahay hain. mehakma Animal husbandry ke ehalkaron, muqami police aur GHMC ke ohdedaron par mushtamil ek team ke zareya chowkiyoun mein 24 ghantay kaam kiya jayega.
Yeh teams hamsaaya azlaa se shehar mein maweshiyoun ki ghair qanooni amad wo raft aur maweshi mandiyoun mein veterinarians ke jari kardah certificates ki bhi jaanch padhtaal karengi.
Iske alawa police, maweshiyoun ko qanooni tor par shehar mein laaye janay walay janwaron ko unkki manzil tak pohncha rahi hai taakay shehar mein kisi bhi giroh ke sath mumkina tassadum se bacha ja sakay. DCP ( south ) Ambar kishore ney kaha ke ”police ahelkaar kisi bhi pareshani ko roknay ke liye muqami ilaaqon mein gasht karte rahen ge aur sath hi colonies mein ghair qanooni tor par maweshiyoun ki farokht par bhi pabandi lagayenge.
Gaiyoun ki naqal wo hamal ya hifazat karte hue kisi bhi shakhs ke khilaaf sakht karwai ki jayegi. isi tarhan, mutaliqa mehakmon ke jari kardah laazmi certificate ke baghair janwaroun ko bhi zabt kar liya jayega.
Guzashta haftay city police commissionaire Anjani kumar ney kaha tha ke tehwar ke pur aman ineqad ke liye tamam intizamaa kiye ja rahay hain. city police ney raat ke waqt bhi, inter departmental ko coordination ke liye ek control room qaim kiya hai.
Unhon ney pehle bhi bataya ke city police qanoon par sakhti se amal daraamad ko yaqeeni bananay ke liye tamam zurori iqdamaat karegi. kisi ko bhi pareshani ya shikayat hai, to fouri karwai ke liye police ko mutala karen. –YTN STAFF