Hyderabad: Motocycle par sawaar ek hi khandan ke 4 afraad Durgam Chevuru Cable Bridge par selfie lainay ke liye ruk gaye thay, Cyberabad Traffic Police ne nigrani Camera Monitoring Center ( SCMC ) ke zareya mushahida karne ke baad un logoun ko chokas kardiya.
Budh ke roz Social Media par Cyberabad Traffic Police ki janib se Share ki gayi Video Viral hogayi. Video mein dekhaya gaya hai ke kis terhan video mein mojood shakhs apni gaadi ki Number Plate chhupanay ki koshish kar raha tha. Number Plate ko chhupanay ke liye mutadid koshisho ke bawajood is khandan ko jaan boojh kar gaadi ki maloomat chhupanay, Helmet nahi pahannay, Triple sawari aur rastay mein ruknay par chalaan kiya gaya. Ahal khanah par 2,315 rupay ka jurmana mara gaya yeh pehla mauqa nahi hai jab Motor sawaar ku challan kiya gaya. Is se qabal, Usay ghalat Parking karne aur helmet nahi pahannay ke ilzaam mein challan kiya gaya tha.
Cyberabad Traffic Police ke mutabiq, Motor sawaar ne CCTV cameron se qabal apni motocycle Durgam Chevuru Cable Bridge par rakhi aur Selfie lainay ke douran chalaan se bachney ke liye is ki number plate dhaanp di. Usay public Address System ke zareya Alert kardiya gaya aur woh mauqa se hatt gaye. Video ko Social Media par Share karkay Cyberabad Police ahelkaar dosray shehrion mein bhi aagahi peda karna chahtay thay taakay Cable Bridge par Traffic ki is terhan ki khilaaf wazion se bacha jasakay.
Darin asna, 18 October ko Durgam Chevuru Cable Bridge par Motocycle sawaar ek Motocycle se takra kar ek 24 sala nojawan halaak hogaya. Halaak honay walay shakhs ki shanakht 24 sala Krishna Yadav jo pesha ke lehaaz se Taxi ka Driver se kiya gaya, Woh Road Number 45 se shuru honay walay Flyover par safar kar raha tha jab is ka haadsa huwa. Teez raftari ki wajah se is ne Pole par chorahe se takarya. Madhapur ke SHO P Ravinder Prasad ne bataya ke woh mauqa par hi dam tode diya. Krishna Yadav pehla shakhs ban gaya hai jo Flyover par haadsay mein halaak huwa hai.