Hyderabad: Hyderabad mein is waqt Durgam Cheruvu Cable Bridge sab se ziyada khabron mein hain jahan tafreeh ke shoqeen afraad ka hujhoom hukkaam ke liye pareshani ka baais bana huwa hai jabkay awam ke liye yeh tasweer kashi ka sab se awleen markaz bana huwa hai halaank mehakma police ne awam ko intibah diya hai lekin tasweer kashi ke shoqeen afraad is intibah ko nazar andaaz kar rahay hain.
Haal hi mein iftitah kiye gaye Durgam Cheruvu Cable Bridge par loog tasaveer lainay ke liye apni jaan jokham mein daal rahay hain. Is Cable Bridge ke qareeb lagaye gaye CCTV Footage mein qaid Videos mein tasaveer lainay ke douran logon ko jaan jokham mein daaltay hue dekhaya gaya hai. Aisay hi ek Video mein jis ko qareeb mein lagey CCTV camera mein qayed kiya gaya, Is video mein dikha ja sakta hai 2 nojawanon mein se ek nojawan ne Shirt utaar deya aur bridge par late gaya. Is ke saathi ne Cell Phone ke zareya is ki tasweer banai. Aisay hi ek aur CCTV footage mein dekhaya gaya hai ke 1 shakhs Cable Bidge ke Barrier ke qareeb tehar kar tasweer kashi kar raha hai. Is ke sath hi police wahan pahonch gayi. Police ko dekhnay ke baad Shirt utaarnay wala nojawan farar hugaya jabkay is manzar ko dekhnay wala bhi bhagnay ki koshish kar raha tha jisay ne police ne rokk liya.
Is Cable Bridge ki moud par ek khandan khatarnaak tareeqa se tehra huwa tha jo tasweer kashi mein masroof tha. Raat daer gaye aur hafta ke aakhri din gadiyon ki naqal-o-harkat ke liye is Bridge par pabandi ayed kar di gayi hai. Police ne is Bridge ko dekhnay ke liye anay walon ko tasaveer kashi ke khilaaf intibah bhi diya hai. Is intibah ki parwah nah karte hue kayi afraad is Bridge ki khoob soorti se mutasir hokar yahan par photo shooting karne ki koshish karte hue police ki girift mein arhay hain.