Hyderabad: Durgam Cheruvu par taamer kardah shandaar aur tareekhi Cable Bridge ko 18 September ko Traffic ke liye kholnay ka imkaan hai. Municipal intizamia aur shehri taraqiyati wazeer KT Rama Rao mutawaqqa hai ke is Pole ka iftitah karen ge aur is ke baad Hyderabad ke shandaar abwab mein ek aur izafah hoga.
Yeh tareekhi Pole 238 meter lamba hai aur yeh Pole 180 crore rupay ki laagat se taamer kiya gaya hai aur is ke Design aur taamer ke liye Engineering mahireen pehlay hi is ki tareef kar rahay hain. Strategic Road Development Programme ( SRDP ) ke tehat taamer kardah is Pole mein Greater Hyderabad Municipal Corporation ( GHMC ) Lighting system ki aazmaishi tor par chala raha hai. Iftitah ke baad Pole sirf haftay ke aakhir din mein paidal chalne walon ke liye hoga.
Is tareekhi Pole ka video pehlay hi social media par maqbool hochuka hai awam ki aksariyat is mansoobay ko injaam dainay par Municipal Corporation ki kawishon ki tareef karne ke ilawa hukkaam ki sataish par kar rahi hai. Yeh jagah jo pehlay hi sayaho ka pasandeeda maqam tha aur ab is Pole ki taamer ne is maqam ko chaar chaand laga diye hain kyunkay khaas tor par raat ke waqt loog badi tadaad mein usay dekhnay ke liye aa rahay hain. Taham subah Cycle sawaron aur fitness ke shedaiyon ke liye yeh khaas maqam ban chuka hai.
Municipal intizamia aur shehri taraqiyati wazeer KT Rama Rao nay ek hafta qabal, Elaan kiya tha ke Cable City Pole ko bohat jald Traffic aur awam ke liye khol diya jaye ga. Twitter par is dhanchay ki ek video share karte hue wazeer nay kaha hai ke Durgam Cheruvu Bridge par Cable Stand Pole ki naqaab kushai bohat jald hogi.