Tokyo: Zindagi ke safar mein har koi apna hum safar talaash karta hai lekin duniya ke 18 we ameer tareen shakhs ku chand par sath chalne ke liye ek hum safar ki zaroorat hai jis ke liye bazabta tor par ek online darkhwast bhi di gayi jis ke jawab mein ab tak 20 hazaar ladkiyoun ne apne naam pesh kiye hain.
Tafseelaat ke bamujab Yusaku Maezawa Japan ke 18 we sab se ameer shakhs hain aur unhoun ne 12 January 2020 ko ek online darkhwast form jari kiya tha. Form ke mutabiq apne sath Moon Flight ( chaand ki seer ) par jaaane ke liye inhen Girlfriend ki talaash hai halaank Girlfriend ban’nay ke liye un ke paas ab tak ek do nahi balkay 20 hazaar se ziyada darkhwasten masool hochuki hain.
Japan ke fashion Takyon kahe jaaane walay yusaku maezawa ke sath chaand par jaaane ke liye 20 hazaar ladkiyoun tayyar hain. Darasal 2023 mein Allan Mask ke project ki pehli space flight ke liye inhen ek khatoon saathi ki talaash hai aur haal hi mein wo ek japaani adakara ke sath apne break up ka elaan kar chukay hain.
Yusaku pehlay aisay shakhs bhi honge jo Starship rocket par chaand ke qareeb safar karen ge halaank ye pehli martaba nahi hai ke unhoun ne aisa dilchasp elaan kiya ho. Is se pehlay bhi wo ek samaji tajurbah karne ke liye 90 lakh dollar ki raqam apne ek hazaar Followers ko diye jaaane ka elaan karkay surkhyoun chhaa gaye they.
Ghhor talabb hai ke Yusaku ne 2004 mein ek fashion Website launch ki thi halaank guzashta saal unhoun ne apni online fashion company mein se 30 feesad hissa daari farokht karkay is ke CEO ke ohda se istifa didya tha. Is waqt Yusaku ne kaha tha ke 2023 ki moon flight ki wajah se unhoun ne apne ohda se istifa diya hai. Is waqt Yusaku ki omar 44 saal hai magar unhoun ne apni saathi ban’nay ke liye bhi ye zurori shart rakhi hai ke wo 20 saal se ziyada omar ki ho.
Wo single khawateen ki darkhwasten qubool kar rahay hain, Jinhein khil kar zindagi ka lutaf lena ho aur khalayi safar mein is ki dilchaspi bhi ho. Wo apne sath chalne ke liye deegar logoun ko bhi madoo karen ge, Lekin ek set unhoun ne apni partners ke liye mukhtas ki hai. –YTN STAFF