Cairo: Shadi ka din kisi bhi jooday ki zindagi mein ek khushgawar aur yadgar lamha hota hai lekin aksar auqaat shadi ki taqreeb aur is mein anjaam di jaany wali rasomaat ke douran chand ek nakhushgawaar waqeat bhi ho jatay hain lekin shayad kabhi kisi nah nahi suna hoga ke shadi ke din Dulhe ne apni nai naveli Dulhan ko imarat ki dasven manzil se dakkha day diya hun aur Dulhan maqam waqea par hi mout ki neend sogaie ho.
Misar ke sahili shehar Alexandria mein pesh aeye waqeye ne pooray mulk mein sansani phela di. Dulha ne rukhsati ki raat apni Dulhan ko dasven manzil se dhakka day kar halaak kar diya. Al-Marsad Website ne Misri zaraye ablaagh ke hawalay se is mujremana waqeye ki tafseelaat dete huve kaha ke hai ke Alexandria ke shehrioun ne Police Station poanch kar shikayat darj karwai ke un ke haan ek Dulhan ki laash padi huvi hai. Kyun aur kaisay usay qatal kiya gaya hamein is silsilay mein kuch bhi maloom nahi.
Police ka ek dasta Ambulance le kar jaye waqooa pouncha. Laash ka muaina kiya gaya to pata chala ke Dulhan halaak hochuki hai. Laash Ambulance ke zariye dawakhana ke sard khanaay mein mehfooz karade gayi. Alexandria Police ne Dulha ko giraftar karliya. Pooch tach ke douran is ne iqraar karte huve kaha ke jee haan ye jo kuch huva is ka mein hi zimma daar hon. Darasal hum dono ke darmain noke jhonk hogayi thi. Mujhe gussa aaya aur mein ne Dulhan ko dasven manzil se neechay pheink diya.
Misri Dulha ne qatal ki waardaat ka sabab bayan karte huve kaha ke jab se meri mangni huvi thi tab se hum dono mein ladai jhagda huta rehta tha. Mujhe aisa mehsoos ho raha tha ke ab hamari zindagi kaantoun ki sej ban gayi hai. Police ne Dulha ko adalti tehweel mein day diya jis ne usay 4 roza Remand par hawalaat bhaij diya aur is par qatal ka fard jurm bhi ayed kardi. –YTN STAFF