Dubai: Dubai mein Road And Transport Authority ne mutala kiya hai ke is ne riyasat mein mukhtalif Roots par bator Bus Driver 3 khawateen ko bharti kiya hai. Tafseelaat ke mutabiq Authority ne wazeh kiya hai ke jin khawateen ki bharti ki gayi wo tarbiyat ke baad Emarat mein Driving ke zawabit aur miyaar ke aala pemanay par poora utarti hain.
Bus drivers ke shobay mein khawateen ko mawaqay faraham karne aur is shoba mein tawazun peda karne ke liye ibtidayi tor par 3 khawateen ko bharti kiya gaya hai. Is project ka pehla marhala 3 drivers ke taqarrur ke zariye shuru kiya gaya hai jinhein 3 roots par chalanay ke liye Authority ke zariye ijazat di gayi hai. Is project ko batadreej badhaya jaye ga.