Dubai: Dubai road and transport authority ne Bus stand par 1500 se ziyada naye tarz ke shelter nasb kurwaye gi. Muqami shehrioun aur muqeem ghair mulkioun ko kharab mousmi halaat se bachanay ke liye ye shelter nasb kiye jayenge jis se awam ko shandaar raahat milnay ki umeed hai.
Emarat Al Youm ke mutabiq Dubai road and transport authority ne mulki-o-ilaqai aur bain-ul-aqwami sarmaya karoun se is mansoobay ke tenders talabb kiye hain. Mulki aur bain ul aqwami sarmaya karoun se tenders talabb karne ka maqsad awam ke liye faraham ki jane wali sahuliyaat mein behtareen nataij haasil karna hai.
Authority ki Derector council ke chairman Matar Al-tayer ne kaha Shelteron 2 se 3 baras ke douran lagaye jayenge. Behtar karkardagi ka muzahira karne par mazeed ek saal ki towsee kardi jayegi. Thekedaar ko shelters mein ishtihar laganay ka ikhtiyar day diya jayega. Dubai roads and transport authority ne muqami aur bain-ul-aqwami companiyoun se kaha hai ke wo Dubai smart city ko har lehaaz se jadeed tar banana ke liye mansoobay pesh karen.
Pehlay marhalay mein Abu Dhabi mein 3 shelter nasb kiye gaye they Al Bayan website ke mutabiq Abu Dhabi mehakma transport ne awaami Buses ke Bus stand par shelter ki tanseeb ka dosra marhala shuru kiya hai. Iski majmoi laagat so million Dirham aeyegi. Abu Dhabi, Alien aur maghribi ilaqay mein 360 shelter nasab honge. 160 Abu Dhabi, 120 Alien aur 80 maghribi ilaqay mein nasb honge.
Pehlay marhalay mein Abu Dhabi mein 3 shelter nasb kiye gaye they jisse nataij umeed ke mutabiq haasil hue hain. –YTN STAFF