Abu Dhabi: Mutahida arab imarat ke naib saddar, Wazeer-e-Azam , Ameer Dubai Sheikh Mohammad bin Rashid al maktom ke teeno betay ek hi din rishta izdiwaj mein bandh gaye. Dubai ke walihad Sheikh Hamdan bin Mohammad aur unke do bhaiyon ki shadi ki mushtarqa taqreeb hui, isi munasbat se mutahidda arab amarat mein is waqt jashn ka samaa hai .
Mohammad bin rashid al maktom ne apne beton ki shadi par khushi ka izhaar karte hue social media par apni kahi hui aik nazam shaya ki. nazam mein unhon ne likha ke unke betay unka fakhr hain, Ameer Dubai ne apne beton ko nasiyaat ki ke woh –apne aaba wo ajdaad ke naqsh qadam chalein. shehzadon ki behan Shekha lateefa Binte Mohammad bin rashid al maktom ne social media ke zariye apne teeno bhaiyon ki zindagi ke naye safar ki shuruat ki mubarakbaad di. Teeno shehzadon ke nikah ki taqreeb islami Shariat ke mutabiq anjaam payi. –YTN STAFF