Hyderabad: Director of Revenue Intelligence ( DRI ) ki City Unit ne jummay ke roz 3 afraad ko giraftar kiya aur unke qabzay se 4 Kelo Sona, maliyat 1.94 Crore rupiye aur 1.99 Crore rupiye naqad bar aamad kiye. makhsoos Intelligence ki bunyaad par, DRI ke ohdedaroun ne Secundrabad may East Maredpally ke rehaishi ihatay ki talashi li to imarat ke andar khadi gaadi may rakhay hue sabz rang ke thelay may smaggle shuda sonay ki salakhoun ke tukde miley. mobayyana tor par sonay ki farokht se haasil honay wali raqam 1.99 Crore rupiye isi ihata may khadi ek aur Car se mili hai.
Tafteesh karne par pata chala ke 2 afraad Calicut se Mysore ke rastay Hyderabad ja rahi ek Car may safar kar rahay they aur Hand Break ke neechay ek khufia tokri may chhupa huwa smaggle zada sona le ja rahay they. ye tokri sonay aur pesey le jaaney ke liye khusoosi tor par teqar kiya gaya tha. giraftar shuda afraad ne aitraaf kiya ke sona, mulk may Smaggle kiya gaya tha aur sonay ki qanooni kharidari ko chabit karne ke unke paas sahih dastawizaat mojood nahi hain. DRI ehalkaroun ne 1962 ke Customs Act ki daf-aat ke tehat 3 se sona zabt kar liya aur tehqiqaat shuru kee. –YTN STAFF