Srinagar: Maahir ghizaiyat aur Government Degree College Srinagar ke shoba home sciences ki sarbarah Dr Yasmeen Khan ne corona waba ke khilaaf qowat mudafat ko badhaane ke liye ek aasaan aur aasani se dastyab honay wala nuskha tajweez karte hue kaha hai ke hamein apne tarz zindagi ko tabdeel karne ki ashad zaroorat hai. unhoun ne kaha ke Corona ke khilaaf qowat mudafat ko badhaane ke liye Leemo, Amla, Qawa, Sabz chai, Shehad, Lehsun, Adrak aur sabzion ka khoob istemaal karna sab se ziyada mufeed hai. Dr Yasmeen ne un khayalat ka izhaar mehakma it-tila-aat o taluqaat aama ke khusoosi program sukoon ke douran kiya hai. Unhoun ne kaha ke kuch aisi khazaye hain jin ku corona waba douran khaas tor par istemaal karne se hamari qowat mudafat batadreej badh jaye gi. Hamein vitamin C wali khezaye jaisay Leemo, Amla, Qahwa, Khaas kar dalchini jis mein daali jaye, Green chai, Papeeta, Shehad, Haldi, Adrak, Lehsun aur Sabsiyon khaas kar Shimlaa mirch aur palaak ka khoob istemaal karna chahiye.
Dr Yasmeen Khan ne kaha ke mojooda halaat ke douran zehni dabao ku kam karne ke liye kam se kam adhay ghantay ki werzish, Poori neend aur misbet ghhor o fikar karna bhi laazmi hai. Unhoun ne kaha ke tarz zindagi ko tabdeel karne ki zaroorat hai aur bazari ghezaon jaisay Fast Food waghera se mukammal tor par parez kiya jana chahiye. Dr Yasmeen ne kaha ke coronavirus ek khatarnaak virus hai jo cheezoun par chai se no dinoun tak rehta hai. Covid-19 ek khatarnaak virus hai ye cheezoun jaisay Chamach, Plate, Handle khuwa wo gaadi ka hoya darwazay ya khidki ka waghera un par ye Virus chai se 9 dinoun tak rehta hai is ko ek minute mein hi hathoun ko dhoney aur sanitization karne se khatam kiya ja sakta hai. Doctor Yasmeen ne kaha ke agar hum sahih ghiza ka istemaal karen ge aur mausam ke mutabiq ghiza khayen ge to is se hamari qowat mudafat badh jaye gi aur qowat mudafat ke badh jaany se hum corona infection ke khilaaf lad satke hain. Unhoun ne kaha ke qowat mudafat hamaray jism mein ek qudrati difai nizaam hai jo Infection ko khatam karne ka kaam karta hai.