Dr. Kafeel Khan ko aik baar phir giraftar karliya gaya hai. Kafeel Khan jinhein guzishta baras Gorakhpur ke sarkari Hospital mein Oxygen ki kami ke baayis sherkhawr bachon ki halakaton par giraftar kar liya tha Jaria saal zamanat par riha hue thay. Teen mah qabl un ke bhai par bhi jaan lewa hamla huwa tha. Police ne kaha ke Kafeel Khan ko District Hospital mein Doctors ke sath ulajhney aur mareezon ke ilaaj mein khalal paida karne ke ilzaam mein hafta ko giraftar karliya gaya hai. Kafeel ke bhai Adil Khan ne kaha ke un ke bhai riyasat mein dimaghi soozish ki alamaat se honay wali amwaat par Media Conference ko mukhatib karne ja rahay thay ke unhen giraftar karliya gaya hai. Suprintendent of Police Sabhraj Singh ne kaha ”Police ko it-tila-aat mausool hoyin ke aik fard Hospital mein daakhil huwa aur Hospital mein shareek mareezon ke ilaaj mein khalal daal raha hai. Woh Doctors ke saath ulajhney laga. Iss fard ko giraftar karliya gaya jis ne khud ki shanakht Kafeel Khan ke taur par kaarwaayi. Kafeel un 9 mulzimeen mein se aik hain jinhein August 2017 mein Baba Raghu Das Medical college mein Oxygen ki sarbarahi mein khlal ke baais chaar din mein 63 bachon ki amwaat ke silsila mein giraftar karliya gaya tha. Unhen November 2017 mein Uttar Pradesh Police ne giraftar kya tha aur April 2018 mein Allahabad High Court ne unhen zamanat par riha krdyatha. Dr. Kafeel Khan ke bhai Kashif Jameel par June mein naamaaloom hamla awaron ne golian chalaye theen taham woh is hamla mein baal baal bach gaye thay.