Sunday, April 14, 2024
HomeIndiaDr.Farooq Abdullah ki rihayi ke baad Party ki sargarmia taiz

Dr.Farooq Abdullah ki rihayi ke baad Party ki sargarmia taiz

Kashmir: National Conference ke sadar o sabeq Chief Minister Dr. Farooq Abdullah ki guzashta hafta rehaie ke baad jahan Party ke Headquarters  ‎Nawa-e-sueb Complex ki rounaq mein chaar chaand lag gaye hain wahein zila o block satah par bhi sadoor o kargounoun ki maflooj sar garmioun mein nai jaan aagai hai. Yaad rahay ke Jammu o Kashmir hukoomat ne leader ki 13 March ko zayed az 7 mah ke baad nazar bandi khatam karkay un ke naam rehaie ka parwana jari kiya tha.

Taham un ke farzand aur Party ke naib sadar Omar Abdullah hunooz nazar band hain jin ke baray mein sabiq Chief AS Dalit ne pesh qayaasi ki hai ke wo Jammu Kashmir ke aglay Chief Minister honge. National Conference ke ek tarjuman ne kaha hai ke Dr. Farooq Abdullah ki rehaye ke baad Party Headquarters se le kar balak satah tak har jagah rounaq do baala huvi hai.

Unhoun ne kaha gojistal saal guzashta ke 5 August ke chand haftoun ke baad hi  ‎Nawa-e-sueb Complex par sargarmia bahaal ki gayi then aur Party ke kayi leaders jin mein sobai Secretary Shaukat Ahmed Mir, Naib sadar Youth Ahsaan Pardesi, Zila sadar Sri Nagar Peer Afaq Ahmed, Party tarjuman Imran Nabidaar aur sobai sadar baraye khawateen Wing Engineer Sabia Qadri shaamil hain, Headquarter par aakar sargarmia bahaal rakhay huve they taham Dr sahib ki rehahi ke baad yahan bhi rounaq do baala huvi hai aur baqi zila o block satah par bhi Party ke sadoor o kargounoun ne sar garmioun ko taiz kiya hai. –YTN STAFF