Hyderabad: Telangana aur Andhra Pradesh se talluq rakhnay walay National Institute of Technology, Sri Nagar ke taqreeban 135 talba dono Telugu Riyaston ki hukomaton ki madad se apne ghar lout rahay hain. Aur dono Riyasti hukoomaton ki janib se un talba ki wapsi ke intizamaa kiye gaye hain.
Jammu Kashmir mein security Alert ke paish e nazar hukkaam ney aglay ehkamaat tak NIT ko band karne ke elaan ke baad hafta ko talba Sri Nagar mein phas gaye they. TRS ke kar guzaar saddar KT Rama Rao ney twit kya ke Telugu talba jammu poanch gaye hain aur hukoomat un ke Hyderabad lotney ke liye un ke liye Rail ticket ka anttam kar rahi hai.
Security wajohaat ki binaa par talba ko fori tor par apne aabadi maqamat wapas janey ko kaha gaya tha. Aur NIT hukkaam ney un ke liye jammu taq chaar basoon ka intezam kiya hai. Andhra Pradesh hukoomat ke aik bayan ke mutabiq, mon se talba ko New Delhi laane ke liye teen basoon ka anttam kiya gaya hai.
KT Rama Rao ney pehlay twit kiya tha ke inhen NIT, Sri Nagar ke Telugu talba ki taraf seekach be cheeni ke paighamaat masool ho rahay hain. New Delhi mein dono riyaston ke ohdedar talba se rabt mein they aur un ke aabadi maqamat ke safar ke liye intizamaa kar rahay they.
Telangana hukoomat ney kaha ke ko yi bhi taalib e ilm ke walidain jo madad chahtay hain, woh Resident Commissionaire Vedantham Giri se 011-23382041 ya is ke Mobile number + 91 99682 99337 par rabt kar satke hain.
aur Andhra ke talba , P Ravi Shankar OSD, AP Bhavan is ke mobile number + 91 9871999055 par rabita kar satke hain. New Delhi ke IP Bhavan mein talba ke liye rahaish aur khanay peenay ke intezamat kiye gaye hain.