Friday, March 29, 2024
HomeOthersBusinessDisk Break wali E Bicycle, Asri sahuliyaat ki ek Nayi sawari

Disk Break wali E Bicycle, Asri sahuliyaat ki ek Nayi sawari

Hyderabad: Etrio Hindustan ke taiz raftaar aur maqboliat ki simt taizi se gamzan Electric gadiyon ki maroof company hai jis ne aaj apne 2 naye E Bicycle ko muta-arif karne ke alawa apne numeral Portfolio mein towsee ki hai. Cargo aur zaati tabqa ko poora karte hue 2 naye Brand Ashva  aur iSwitch ek martaba charge karne ke baad bal tarteeb 80 kilo meter aur 35 kilo meter ki masafat tay karti hain inhen muta-arif kiya hai.

Moter ki taaqat se barqi cycle ke tor par tayyar kardah, iSwitch 250w BLDC motor se lais hai jis mein 7 speed Shimano Gears ki pesh kash ki gayi hai. 12 Nm truck ke sath 12 Magnet Pedal Assist bhi is mein mojood hai. Yeh E cycle is ke Electric Dashboard aur hydraulic  suspensions ke sath mobile holder aur power bank ke sath awam ke liye ek behtareen sawari hai. Cycle ki deegar khususiyaat mein chalne ke sath charging, Samnay roshni ke liye Head lamp, Mousmi muzahmat ke liye aala  tensile MS steel body, Aur is par charge karne ke liye ek qabil dast bardaar battery shaamil hai. Is mein off-roading aur pahadi khitton mein safar karne mein aasani ke liye ek alehda steal mudguard ki bhi shaamil kiya gaya jo ke is ki nai khasusiyat hai.

Dosra E bicycle Ashva Cargo aur Logistic tabqa ke liye mozoon hai. Yeh hatmi raahat aur sahoolat ke liye aaraam da wasee nashiston ke sath 80 kilometer range ki umdah karkardagi pesh karti hai. Hifazat ko yakeeni bananay ke liye, Is mein dual  180 millimeter Disk break aur Auto charge Cut off hai.