Hyderabad: LB Nagar ke ek khangi dawakhane se jubilee hills ke dawakhane tak baghair kisi rukawat ke aasaan andaaz mein insani dil ko muntaqil kiya gaya jiske liye Metro Rail ko istemaal kya gaya jiske liye hukkaam ki janib se munasi apni noiyat ka munfarid waqea hai.
Tafseelaat ke mutabiq riyasat Telangana ke sadar maqam hyderabad mein pehli martaba hyderabad metro rail ne dil ki pewand kaari ke liye apni khidmaat paish ki aur dil ko riwayati ambulance ki bajaye metro rail mein kaya mu yahan is baat ka tazkara bhi ahem hai ke ab tak ek dawakhane se insani aaza ki dosray dawakhane tak ba zarea sadak muntaqili ke liye traffic police ki janib se green channel fraham kiya jata tha.
Is green channel ke zareya dono dawakhano ke darmiyan rastoun ki deegar tamam traffic ko rok kar insani aaza muntaqil karne wali ambulance ko rasta fraham kiya jata hai aur chand hi minton mein insani aaza ko ek dawakhane se dosray dwakhane muntaqili ko yaqini banaya jata tha taham shehar mein pehli martaba metro rail ki khidmaat haasil karte hue yeh green channel fraham kiya.
Shehar mein badhti traffic ke paish-e-nazar Insani dil ki muntaqili ke liye Drs ne hyderabad metro rail ki khidmaat haasil karne ka faislay kiya. Shehar ke jubilee hills ke ek khangi dawakhane mein dil ki pewand kaari ke operation ka Drs ne intizam kiya. Dr Gokul ki qayadat mein yeh operation anjaam diya gaya jiske liye dil ko yahan laane ke liye pehli martaba metro rail ki khidmaat se istifada ka faisla kiya gaya.
Is kaam ke liye dawakhane ke intizamia ne Metro rail ke ohdedaron se rabita kiya aur Inhen tafseelaat se waaqif karwaya, jiske baad metro rail ke hukkaam ne is maqsad ke liye metro train ki khidmaat ki fraham karne par raza madni zahar ki, jiske baad LB nagar ke ek khangi dawakhane se Jubilee hills ke dosray dawakhane ko baghair kisi rukawat ke aasaan andaaz mein insani dil muntaqil kiya gaya jiske liye metro hukkaam ki janib se munasib intizamaa kiye gaye. Is ke liye Nagul se jubilee hills check post tak metro khidmaat nan stop chalaye gayi.
Jubilee hills check post se jubilee hills mein waqay is khangi dwakhane tak sadak ke zareya insani azaa ki muntaqili ke liye green channel fraham kiya gaya aur ambulance mein dil pohnchayagaya.
Nalgonda zila se taalluq rakhnay walay 45 sala kisaan ko Drs ne zehni murda qaraar diya tha jiske baad iske rishta daaron ki counseling ki gayi aur is ka dil dosray mareez ko muntaqil karne ke liye unki Razamandi hasil karne ke baad is dil ki pewand kari ke intezamat kiye gaye aur Hyderabad mein pehli martaba is maqsad ke liye Metro rail ki khidmaat se istifada kiya gaya.