New Delhi: Beron mulk mein khaam teel mein teezi ke baad Hindustan main Petrol aur Diesel ki qeemat mein musalsal dosray din izafah raha. Mulk ki sab se badi teel marketing company Indian Oil Corporation ki Website ke mutabiq Delhi mein aaj Diesel 15 pesey mehanga hokar 67.24 rupay fi letter hogaya jo 12 haftay ki alla tareen satah hai. Petrol ki qeemat bhi 6 pesey badh kar 14 decemeber ke baad ki buland tareen satah 74.74 rupay fi letter par poanch gayi hai.
Bain ul aqwami bazaar mein London ka brint crude aaj 68 Dollar fi barrel ke paar poanch gaya. 3 mah baad khaam teel 68 Dollar ke paar pouncha hai. Is qeemat mein pichlle kuch arsay se aahista aahista izafah ho raha hai jis ka asar muqami market mein Petrol Diesel ke sath sath deegar petrolim masnoaat par bhi dekha ja raha hai.
Petrol ki qeemat Kalkata aur Mumbai mein bhi 6, 6 pesey badh kar bal tarteeb 77.40 rupay aur 80.40 rupay fi letter hogayi. Chennai mein ye 7 pesey ke izafah ke sath 77.71 rupay fi letter raha.
Diesel Kalkata aur Mumbai mein 16 pesey mehanga huva. Kalkata mein 1 letter Diesel ki qeemat 69.66 rupay aur Mumbai mein 70.55 rupay rahi. Chennai Diesel ki qeemat 17 pesey badh kar 71.10 rupay fi letter hogayi. Yaad rahay ke teel marketing companian rozana Petrol Diesel ki qeemat ka jaiza layte hain aur har din subah 6 bajey se nai qeemat nafiz hoti hai. –YTN STAFF