Sharjah: Mahendra Singh Dhoni ko sust batting par tanqeed ka nishana banaya ja raha hai kyunkay guzashta raat unhoun ne Himaliya Score ke taqub mein nah sirf khud se pehlay deegar batsmanon ko rawana kiya balkay khud bhi ebtedaa mein sust batting ka muzahira kiya. Chennai Super Kings ke Captain Mahendra Singh Dhoni ne hareef team Rajasthan Royals ke khilaaf Sharjah mein munaqidah match mein 217 ke nishana ke taqub mein England ke Sam Curran aur naye khiladi Ruturaj Gaikwad ku oopar bheja.
Baad azan Dhoni 14 we over mein woh khud sust batting ke liye aaye aur pehli 13 gaindon mein sirf 10 runs bana ye, Jabkay un ke saathi Faf du Plessis ne behtar karkardagi ka muzahira karte hue 72 runs banaye jis mein 7 chhakay shaamil thay. Dhoni ne match mein aakhri over mein 3 lagataar chhakay maaray lekin tab tak khail Chennai ke haath se nikal chuka tha. Punjab ko is match mein 16 runs se shikast hui.
Sabiq opener Gautam Gambhir ne Dhoni ki karkardagi par tanqeed karte hue kaha ke unhoun ne team ki behtar qayadat nahi ki. Faf du Plessis khail mein akailey kamyabi ke liye jad-o-jehad karte nazar aaye. Gautam ne mazeed kaha ke Dhoni ke aakhri Over ki baat karen to imandari ke sath is ka koi faida nahi tha. Woh sirf apne liye runs bana rahay thay. Doosri janib Dhoni ne kaha hai ke unhoun ne taweel arsay se batting nahi ki. Mutahidda Arab Emarat aamad ke baad yahan 14 dinon ka Quarantine madadgaar saabit nahi hota.
Dhoni ki bamujab woh kuch mukhtalif karne ki koshish karne ke sath Carran ko mauqa dena chaah rahay thay. Shikast ke baad team ke coach Stephen Fleming ne kaha ke Dhoni inning ke aakhir mein apni mahaarat dikhata hain. Fleming ke is bayan se Dhoni ke madahon ko tasalii nahi horahee hai kyunkay muqablay mein Dhoni ko oopar anay aur taiz batting karne ki zaroorat thi. Ek twitter sarif ne kaha ke aglay muqablay se qabal Dhoni ko match ke aaghaz se qabal hi warm up karlena chahiye muqablay ke douran aisa karne ka kiya faida.