Hyderabad : Hindustani wicket keeper aur sabiq captain MS Dhoni hindustan ke sab se ziyada pasandeeda cricketaron mein shaamil hain isi liye shaiqeen musalsal unke baray mein janna chahtay hain lekin unki yahi maqboliat ab madahon ke liye khatarnaak saabit ho rahi hai. Ek surway mein yeh baat samnay aayi hai ke search engine par sabiq captain dhoni ke baray mein koi maloomat talaash karne ke sath hi khatarnaak virus aap ke electronic alaat ko apni zad mein le laita hai, jo aap ki ahem maloomat ke liye bhi khatrah hai.
Isi tarhan deegar khiladion mein sachin tendulkar, Harmanpreet kaur aur PV sindhu ke baray mein maloomat ki talaash bhi khatarnaak hai. Software security muhayya karanay wali company make fay’ most dangerous celebrity 2019 ki fehrist mein dhoni ko pehlay number par rakha gaya hai. apne 13 edition mein make fay ki tahaqeeq ney maqbool shaksiaat ki nishandahi ki hai, jo sab se ziyada par khatar talaash ke nataij muratab karti hai, jin se unke madahon ko khatarnaak Website aur virus ka khatrah rehta hai.
Saal 2011 ke world cup faateh team ke captain maqboliat ke muamlay mein hindustani captain kohli aur sachin tendulkar se bhi agay hain jiska tazkara ek surway mein haal hi mein kiya gaya tha. unke madahon ki tadaad bhi aur beron mulk mein hai jo search engine par dhoni se mutaliq maloomat ki talaash mein rehtay hain. unki be panah maqboliat ney cyber jaraim ko sarfeen ko khatarnaak Websites ki janib Raghib karne ka mauqa day diya jo malware install kar zaati maloomat aur paas word chura sakte hain.
Is surway ke mutabiq fehrist mein dosray number par sabiq cricketer sachin hain. wahein fehrist mein 8 number par hindustani khawateen cricket team ki twenty 20 captain Harmanpreet kaur hain. deegar mashhoor shaksiaat mein teesray number par reality TV show big boss ke faateh gautam gulati hain. unke baad bollywood adakara sunny leone bhi ziyada peechay nahi aur phir Pop icon badshah hain. fehrist mein 6 maqam par Radhika aapte, 7 number par shradha Kapoor , 9 maqam par aalmi championship ki gold medalist badminton khiladi PV sindhu aur 10 maqam par Ronaldo hain. make fay India ke naib saddar ney kaha kay internet ki aasaan dasteyabi aur mutadid marboot diwaysz ney sarfeen ko poori duniya se mawaad haasil karna aasaan bana diya hai. –YTN STAFF