New Delhi: Mahendra Singh Dhoni par World Cup ke Simi final mein shikast ke baad kaafi tanqeed ki jarahi hai lekin Chennai Super Kings ke All Rounder Dwayne Bravo ney kaha hai ke team ke captain Dhoni cricket mein sab se baday Superstar hain. Bravo 2011 se Chennai ki team mein shaamil hain aur aksar Dhoni ki qayadat ki tareef karte hain. Chennai ney 2010, 2011 aur 2018 mein IPL ke khetabat Dhoni ki qayadat mein haasil kiye. Bravo ney kaha ke Dhoni hamari team aur Cricket ke sab se baday Superstar hain. Wo Ek aisa khiladi hai jis ke sath aasani se mil jol badhaya jasakta hai.
Maidan se baher wo video games khailtay hain aur is ke darwazay logoun ke liye hamesha khulay rehtay hain. All rounder neh kaha ke jab bhi aap sab se Superstar ki baat karte hain to is ke liye sirf 1 shakhs ka naam aata hai aur wo hai Dhoni. Bravo neh kaha ke mere khayaal mein Chennai ki kamyabi ka ziyada tar sehra Dhoni aur coach Stephen Fleming ko jata hai. Team malikaan bhi un dono par bohat ziyada inhisaar karte hain taakay faislay karte waqt bairooni mudakhilat nah ho. Dono is khail ke baday taalib ilm hain. Dhoni jaisay khiladi aur Stadium aur franchise ka mahol aap ko ka mahol aap ko apne tor par khailnay ki ijazat deta hai.