Monday, June 17, 2024
HomeSliderDesi saaqta bum phatne se ek naujawan zaqmi

Desi saaqta bum phatne se ek naujawan zaqmi

Desi saaqta bum phatne aur ek naujawan ke zaqmi hone ke baad police harkat mein aagayi hain aur is waqia ka har zawiye se tehqeeq ka aagaz kar diya gaya hain. Tafseelat ke mutabiq yeh waqia Monday ke roz zilaa ke Kothagudem ke khareeb paish aaya hain jaha desi saaqta bum phatne se ek naujawan zaqmi ho gaya. Police ke mutabiq yeh waqia aam ke baag mein paish aaya jaha nawazon ne ek daraqt par poster aawiza kiya hain.

Kaha gaya ke poster ko dekhte huwe naujawan aalam bramma Naidu apni motor cycle par uske mundarjat ko padhne aur apne phone par tasweer lene ke liye gaya jis ke baad phir preshar bum phat gaya. Waqia ki ittelaat milte hi cherla police mauqe par pohunch gayi aur zaqmi naujawan ko ilaaj ke liye bhadri chalam ke ilaaqayi sarkari dawaqane muntaqil kiya. Is ki daye pair se khoon beh raha hai aur uski haalat mustahkam batayi jaati hain.

IAD daraqt ke khareeb zameen mein nasab kiya gaya tha jis par poster aawiza kiya gaya tha aur motorcycle ke wazan ne pressure bum ko phatne ke liye mutaharrik kiya jis ke asar se naujawan aur uski motor cycle ko nuqsan huwa hai. Pressure bum jis ke zariye police ko nishana banaya gaya tha aur us tarha nasab kiya gaya tha ke jo bhi use hatane ki koshish kareiga woh dhamake ki zad mein aajeiga. Police ne wazahat ki ke aam taur par mau nawaz alaahda jagahon par poster lagate aur display karte hain lekin dhamaka shuda IAD gaun ke bohut khareeb lagaya gaya tha. Is waqia ke baad ilaqe mein police ne chauksi iqtiyar Karli hain aur is waqia se wabasta afraad ki talash shuroo kar di gayi hain. Awaam ko hidayat di gayi hain ke gaun ke khareeb jungalaat mein ziraet aur deegar masroofiyat ke waqt ehtiyat bartein.