New Delhi: Shumal mashriqi Delhi mein shehriat tarmeemi qanoon ki mukhalifat aur himayat karne waloun mein aaj phir tassadum huva aur ek dosray par pathrao ke waqeat ke douran Jafrabad aur Maujpur ilaqoun mein kam se kam 2 mukanat aur ek gaadi ko aag laga dainay ki ittila mili hai. Delhi ke Gokalpuri thaana ilaqay ke Maujpur ilaqe mein jari ehtajaji muzahira ke darmain pathar baazi mein zakhmi hue ek Police Constable ki mout ho gayi. Mahlook Police ohdedar ki shanakht Head Constable Ratanlal ke tor par huvi hai. Wahein Shahdara ke DCP Amit Sharmaa ke bhi zakhmi honay ki khabar hai.
Ek se ziyada zaraye ablaagh ki it-tila-aat ke mutabiq sorat e haal par qaboo panay ke liye name fouji dastoor ku talabb karliya gaya hai. Halaat ki shiddat ke pesh e nazar Delhi Metro ne Jafrabad aur Maujpur. Babarpur Stations ku band hai. Un Stations par Trains nahi roki jayen gi.
Chand Bagh mein bhi tashadud barpaa honay ki ittila mili hai ju Jafrabad ka ilaqa hai. Police neh muzahireen ko muntashir karne ke liye mobayyana tor par aanso Gas ke golay dale aur lathi charge kiya. Jafrabad ke qareeb kal shaam se hi halaat kasheeda they jahan tarmeem shuda shehriat qanoon ki mukhalifat aur himayat karne waloun ke mabain jhadpen shuru ho gayi then. –YTN STAFF