waqt ka taqaza hai ke mutasireen muttahid hokar muqaabla Karen: SDPI
New Delhi : Social Democratic Party of India ( SDPI) ke qaumi sadar MK Faizi ney apne jari kardah akhbaari aalamia mein kaha hai ke communist party of India ( marxist) ke general secretary sitaram yechury, Swaraj Abhiyan ke rehnuma Yogendra Yadav, iqtisadi maahir Jayati Ghosh, Delhi university professor aur samaji karkun Apoorvanand film saaz Rahul Roy par is saal feb mein honay walay walay Delhi shumal mashriqi tashadud ka saazish rachne ka ilzaam lagana modi hukoomat ka hukoomat ke khilaaf uthnay walay aawaz ko dabanay ka ek aur buzdilana iqdaam hai. markazi wazeer-e-dakhla Amit Shah ki sarbarahi mein Delhi police ko mukammal tor par taaqat ke najaaiz istemaal ka aala-car banadiya gaya hai aur Delhi police Amit Shah ke hathon kath putli bani hui hai. police ke taraf se supplementary charge sheet mein un rehnumao ka naam Pinjra Tod, Devangana Kalita aur Natasha Narwal aur Jamia milliya ki Gulfishan Fatima ke’ inkishaaf’ par shamil kiya gaya hai jinhein pehlay hi Delhi police
nay girftar kiya tha aur un par Delhi tashadud ko uksanay ka ilzaam lagaya gaya hai.
Charge sheet mein un inkishafaat ka inkishaaf karkay Delhi police nay bohat bada mazaq kiya hai. un ke it-tila-aat aur inkishafaat ke mutabiq sitaram yechury jaisay ek senior siyasi rehnuma aur charge sheet mein shaamil deegar karkunaan nay muzahireen se hukoomat ke image ko daghdar karne ke liye tashadud mein mulawis honay ko kaha hai !
Delhi police ka ye aiteraaf ke un talba kaarkunon nay unke’ inkishaaf’ par dastakhat karne se inkaar kardiya tha ye khud hi inkishaaf karta hai ke yeh police ki banai hui kahani hai. jaisa ke poori duniya nay dekha tha ke Delhi police ke aala officers ki mojoodgi mein kapil mishra, Anurag thakur aur BJP ke deegar rehnumao ki ishtial angaiz taqareer ke baad shumal mashriqi Delhi mein tashadud phoot pada tha.
Yeh leaders hukoomat ke faraham kardah security ke sath azad ghoom rahay hain. ab jo yeh inkishaaf ka script sirf mazkoorah leaders ko is ilzaam se bari karne aur yeh saabit karne ke liye tayyar kiya gaya hai ke unke ishtial angaiz taqarir CAA mukhalif muzahiron ka nateeja hain. Delhi police nay khud un Whatsapp group discussion ko manzar-e-aam par laya hai jis mein un dayen baazu ke hindutwa fashst anasir nay logon ko tashadud par uksanay aur musalmanoon par hamla karne ke liye hathyaaron ko munazzam karne ke liye kaha hai.
SDPI qaumi sadar MK Faizi ne mazeed kaha hai ke markazi hukoomat Gualgar ke is nazriye ko ek ek karkay nafiz kar rahi hai ke musalman, isaai aur communist malik ke dushman hain aur unka khatema hona chahiye. MK Faizi ne is baat ki taraf khusoosi nishandahi karte hue kaha hai ke hukoomat se insaaf ko yakheeni bananay ka mutalba karna be maienay hai. unhon ne RSS hukoomat ke is tarhan ke ilzamaat ke shikanjay mein phansay mutasireen se appeal ki hai ke woh hukoomat ke ghair jamhoori aur ghair aaeni iqdamaat ke khilaaf ladnay aur shikast dainay ke liye muttahid hokar muqaabla karen aur mulk ko mutasib fashtoun se bachaein.