New Delhi: RSS ki tanzeem Muslim Rashtria Munch ke jumaraat ko nai Delhi mein munaqidah ek pragram mein shehriat tarmeemi qanoon ( CAA ) aur national register of Citizenship ( NRC ) ke khilaaf hungama huva. CAA ke khilaaf ek hujhoom ne naaray lagaye aur poster dukhaye.
Darasal Muslim Rashtria Munch ne ”Muslim Rashtria Ulama Conference “ke banner ke tehat CAA ki himayat mein ek taqreeb ka ineqad kiya tha. Jis ka maqsad musalmanoun ko CAA ki ifadiyat ko samjhaana tha, Lekin is taqreeb ke shuru hotay hi darjan bhar loog khaday hogaye aur ”Samedhaan ke dushman murda bad, Ka naara lagaya. Is douran Stage par RSS ke Senior leader Indresh Kumar bhi mojood they.
Is hangamay aur naaray baazi ki wajah se stage par mojood Rashtria Munch ke karkunan pareshan ho gaye aur stage par mojood naam nihaad ulama bhi heran they. Isi douran is hajhoom ne un naam nihaad afraad ko maar kar bhaga diya. Kyunkay ye naam nihaad loog apni hi qoum ko shehriat tarmeemi qanoon aur national register of citizenship ke fawaid ke baarey mein samjhane ke liye wahan puhanche they. Jinhein logoun ke gussa ka nishana ban-na pada. –YTN STAFF