New Delhi : Delhi police chaharshambe ki raat qaumi Dar-ul-hukoomat Delhi mein Jaish-e-Mohammad ke mushtaba modules ki mojoodgi ke baarey mein mohtaat rehne ke liye mukhtalif ilaaqon mein talashi li lekin inhen kamyabi nahi mili.
Delhi police ki special cell aur crime branch ki teamon ne jumeraat ki subah 5 bajey tak shehar ke 15 azlaa mein raatoun raat search operation kiya.
Delhi police ke ek aala ohdedar ne kaha ”hamein ittila mili ke Jaish-e-Mohammad ke kuch dehshat gard Delhi mein daakhil hogaye hain. lehaza khusoosi cell search operation mein shaamil tha, warna muqami police aasani se mulzimaan ko pakad sakti hai.
Taham police zaraye ka kehna hai ke raatoun raat honay wali karwai mein kuch nahi nikla, siwaye iske 2 afraad ko hirasat mein liya gaya hai aur unse poch tach ki jarahi hai. –YTN STAFF