Friday, March 1, 2024
HomeJurmDelhi mein Israeli sifarat khanaay ke Qareeb kam shiddat wala dhamaka

Delhi mein Israeli sifarat khanaay ke Qareeb kam shiddat wala dhamaka

New Delhi : Hindustan ke qaumi dar-ul-hukoomat Delhi mein Israel ke sifarat khanaay ke qareeb aaj sha ke waqt ek kam shiddat ka dhamaka hua. Delhi police ne kaha ke yeh Dhamaka shehar ke wast mein 5 aurangzeb road ke sadak ke kinare hua. Shaam paanch bajey ke qareeb paish aaye is waqea ke foran baad fire brigade, sawat aur forensic teams mauqa par pohanch gayeen. Ek senior police ohdedar ne kaha ke hum is muamlay ko mukhtalif zawiyon se dekh rahay hain. Mutadid police temen mauqa par pahonch gayeen. Abhi tak yeh maloom nahi hosaka hai ke yeh kis noiyat ka mawaad tha jiska dhamaka hua hai. Yahan is baat ka tazkara bhi ahem hai ke aaj hind. Israel taqat ki 29 win saalgirah bhi hai.

Qaumi tafteeshi agency ( NIA ) aur Delhi police ke khusoosi sale ne muamlay ki tehqiqaat ke liye dhamakay ki jagah par pahonch gaye hain. Poooray ilaqay ko ghairay mein le-liya gaya hai aur police daston ki bhaari nafri tainaat kardi gayi hai. Central reserves police force ( CRPF ) ki ek team ko bhi Israeli sifaratkhane ke aas paas hifazati intizam badhaane ke liye badhaya gaya hai.

Mehakma fire ki maloomat ke mutabiq, shaam 5 baj kar 11 minute par inhen phone masool hua aur fire ke teen tenders ko kaam mein laya gaya. is dhamaka se qareeb khadi gaadi ki khidkion ko nuqsaan pohancha aur kayi gadiyon ke sheesha toot gaye hain. Police qareebi maqamat ki CCTV footage dekh rahi hai.

Wazeh rahay ke is waqt Delhi ke halaat par aman nahi hain kyunkay kayi mah se kisanon ke zarayi qawaneen ke khilaaf ehtijaj jari hai jabkay yom-e-jamhooria ke mauqa par kisanon ki tractor rally bhi pur-tashaddud waqea mein tabdeel hui hai. Un halaat mein mazkoorah dhamaka ke sath hi jitni zubanain itni baatein ka charchaa hai taham police ne ibtidayi maloomat mein deegar koi tafseel nahi di hai aur bas itna kaha hai ke is dhamaka ki tehqiqaat jari hai aur har zavia se iski tehqeeq ka imkaan hai.