New Delhi : Delhi ke wazeer-e-aala Arvind Kejriwal neh jumeraat ke roz elaan kiya ke qaumi dar-ul-hukoomat mein logoun ko 200 unit tak bijli istemaal karne waloun ko muft mein bijli di jayegi. unhon neh kaha ke 200 unit tak bijli istemaal karne walay afraad ko bijli ka bill ada nahi karna padega. unke bill 1st August yani aaj se maaf kar diye jayenge. lekin agar koi Sarif 201 unit istemaal karta hai to usay poora charge ada karna padega.
Kejriwal neh kaha 201 se 400 units ke darmiyan bijli ke istemaal ke liye 50% subsidy faraham ki jayegi. is chooth ke elaan se pehlay 200 unit tak bijli istemaal karne par 622 rupiye lagtay they.
Delhi ke wazeer-e-aala neh mazeed kaha ke jab aala ohdedar war sarkari afraad muft bijli haasil kar sakte hain to ek aam aadmi kyun nahi. –YTN STAFF