New Delhi : Hafta ki shaam shumal mashriqi Delhi ke Bhajanpura ilaqa mein zair-e-taamer teen manzila imarat girnay se teen talba sameit kam az kam 4 afraad halaak hogaye. Ek police officer ne bataya ke ye imarat qareebi imarat par gir kar tabah hogayi, jis ne coaching center ko mutasir kiya jis ke nateejay mein 3 talba aur ek ustaad, jumla 4 afraad halaak hogaye.
Bachao ka kaam kiya ja raha hai. NDRF aur police ki teams, logon ko bachanay ke liye tamam tar Koshishe kar rahi hain. Malbey taqreeban 15 afraad ke phas jaane ki ittila hai. DCP ( north. east ) ne bataya ke aath zakhmi afraad ko hospital mein daakhil karaya gaya hai. Zakhmiyou mein se kuch ki halat tashweesh-naak batayi gayi hai.
Unhon ne kaha ”Phase hue logon ko jald az jald Bazyab karvane ki koshishein jari hain. DCP ne bataya ke zair-e-taameer imarat ki doosri aur teesri manzilain gir gayin. –YTN STAFF