New Delhi : 8 feb ko munaqqid honay walay assembly intikhabaat se qabal, Delhi ke wazeer-e-aala aur aam aadmi party ke qaumi convenor Arvind Kejriwal ne itwaar ke roz apne ”Guarantee Card” may pani aur bijli par muft subsidy jaar rakhnay ke sath sath talba ke liye muft awaami safar aur shehar mein ghair majaz colonies mein muft awaami safar aur bunyadi sahuliyaat ki zamanat di.
Wazeer-e-aala ne aam aadmi party ke daftar mein Kejriwal ka guarantee card jari kiya aur Delhi mein fazai aloodgi ko teen guna kam karne ke waday samait 10 zamantein di hain. card mein likha hai, Delhi ko sabz bananay ke liye hum 20 million se ziyada darakht lagayenge.
Wazeer-e-aala ki pehli guarantee bijli se mutaliq hai, jo 24 ghantay bila ta-attul bijli ki farahmi aur sab ke liye 200 unit muft bijli ka wada kya gaya hai.
Guarantee mein likha gaya hai ke ”shehar ko taron ke jaal se azad kya jayega aur bijli har ek ghar mein zair zameen cable ke zariye pohanchegi. aam aadmi party ne aglay paanch saloun mein har ghar mein 24 ghantay peenay ke saaf pani ki farahmi ka wada kya hai aur kaha ke 20,000 litter muft pani ki farahmi ki scheme jari rakhenge.
Kejriwal ki teesri guarantee nai Delhi ke har bachay ke liye aalmi miyaar ki taleem ki sahoolat faraham karna hai. unhon ne apni chothi guarantee ke bator sab ke liye sahet ki behtar sahuliyaat ka bhi wada kiya. unki panchwin guarantee shehar ke liye ”sab se badi aur sasti“ naqal wo hamal ki sahoolat hai. unhon neh wada kya ”shehr mein 11,000 se ziyada buses aur 500 kilometer taweel metro ki lambai ka wada kya.
khawateen ke liye muft Bus safar ki khutoot par kejriwal ne kaha, talba ka safar bhi muft kiya jayega. chhatti guarantee shehar mein fazai aloodgi ko control karna hai, is mein Yamuna nadi ko saaf karne ka bhi wada shaamil hai. agarchay west managment MCD ke sath hai, aam aadmi party ne kaha ke aglay 5 saloun mean qaumi dar-ul-hukoomat ko fuzla free bana diya jayega. unki aathween guarantee ye thi ke shehar ko khawateen ke liye mehfooz banaya jayega aur kaha ke aap ki hukoomat, mohalla marshal bhi tainaat karegi.
Unhon ne apni naveen guarantee ke bator ghair majaz colonies ke liye sadak, pani ki farahmi, GTR, CCTV aur mohalla cilinic ka wada kya. aur daswaan aur aakhri wada ye hai ke jhugiyon ( kachay makanoun ) mein rehne walon ko pakay makanaat diye jayenge. Kejriwal ne kaha ke party manshoor aglay 10 dinon mein jari kya jayega. Kejriwal ne guarantee ke elaan ke baad card par bhi dastakhat kar diye, aur kaha ke wo aglay paanch saloun mein un waadon ko poora karenge “. –YTN STAFF