Mumbai: New Delhi mein Israeli sifaratkhane ke qareeb pur-asaraar dhamakay ke baad ahteyati iqdaam ke tehat Maharashtra police ne Mumbai samait riyasat bhar mein security sakht kardi hai. Maharashtra ke naib cheif minister Ajit Pawar aur wazeer-e-dakhla Anil deshmukh ne mehakma dakhla ke aala ohdedaron ke sath Delhi dhamaka ke baad yahan security ki sorat-e-haal ka jaiza liya aur riyasat mein hifazati iqdamaat ko sakht karne ka hukm diya hai.
Mumbai ke Nariman house ke qareeb security iqdamaat ko sakht kardiya gaya hai. yahan hifazati intizamaa ko sakht karne ki ahem wajah yeh hai ke yahan yahudion ki ibadat gaah, chabid house mein 26/11 Mumbay may dehshat gard hamlay paish aaye thay. Mumbai mein waqay ahem council khanaay ke mutasireen ke liye ek yadgar museum ke sath waqay hai. kuch bain ul aqwami tanzeemon ke dafatir bhi yahan mojood hain.
Is ke alawa tamam airports, badey railway station, Bus deopot, sarkari dafatir, ahem tansibat, makhsoos mazhabi ya ziyarat gaahon aur deegar ahem imaarton ko kisi bhi nakhushgawaar waqea se mehfooz rakhnay ke liye security mein izafah kya gaya hai. Police aur deegar musallah units ne Mumbai, pune, aurangabad, nagpur aur deegar maqamat par bhi hassas ya hujhoom walay ilaqon mein gasht badha diya hai. Pawar aur deshmukh ne awam par zordiya hai ke woh ahteyati tadabeer ikhtiyar kare, kisi namaloom cheez ko chone se guraiz karen aur security agencio ke sath taawun karen. Yaad rahe ke guzashta shaam Delhi mein Israeli sifarat khanaay ke samnay ek kam shiddat wala dhamaka hua tha lekin is waqea mein kisi ka jani nuqsaan nahi hua, taham qareebi gadiyon ke sheeshay totnay aur maali nuqsan ki khabrein mili hai. Alawa azeen security agencies masroof tehqiqat hai.