Sharjah: Delhi Capitals aur Kolkata Knight Riders ( KKR ) ke darmiyan Sharjah ke chhootey maidan mein hafta ko IPL mein sakht muqablay ki umeed hai. Sharjah ka maidan Dubai aur Abu Dhabi ke muqablay mein Boundary ke lehaaz se chhota hai, Jahan ab tak baday score walay match hue hain aur Delhi. Kolkata ke match mein bhi baday score ki tawaqqa hai. Delhi ki team 3 matchon mein 2 fatohat aur ek shikast ke sath dosray number par jabkay Kolkata ki team 3 matches mein 2 fatohat aur ek shikast ke sath teesray number par hai.
Delhi ko apne guzashta match mein Sunrisers Hyderabad se 15 runs ki shikast ka saamna karna pada tha jabkay Kolkata ne Rajasthan ko 37 runs se shikast day kar apni pehli kamyabi darj ki thi. Sharjah mein ab tak 4 Inning mein 200 se ziyada runs ban chuke hain aur tawaqqa hai ke Delhi aur Kolkata ke muqablay mein bhi bada score banay ga. Apne pichlle muqablay mein Hyderabad ke 162 runs ke muqablay Delhi 147 runs hi bana saki thi aur Sharjah mein uskay paas batting mein islaah karne ka mauqa rahay ga.
Kolkata ne Rajasthan par shandaar jeet 174 runs banaye thay aur Sharjha mein is ke Batsmans ke paas bada score bananay aur kamyabi haasil karne ka mauqa rahay ga. Yeh dekhna dilchasp hoga ke Sharjah mein pichlle matchon ki terhan is baar bhi 200 se ziyada runs ban satke hain ya nahi.