Jalandhar: Punjab ke zila Jalandhar mein Punjab musallah police ( PAP) ke maidan mein chalne wali fazaiya mein bharti mein shaamil honay ke liye pounchanay walay noujawanon par subah maidan mein deewar girne ki wajah se taqreeban 15 afraad zakhmi hogaye jin mein se teen ki haalat naazuk hai. assistant commissionaire of police ( shumal ) Harsmrit singh ne kaha ke PAP ke maidan mein riyasat ke 12 azlaa se mutaliq nojawanon ke liye aaj se bharti rally shuru hui hai. bharti ke liye line may khade afraad par maidan ki deewar girnay se taqreeban 15 afraad zakhmi hue hain.
Zakhmion ko dawakhana mein daakhil karwaya gaya hai. haadsay ke douran zakhmi aur aain Shahid manish bashindah jahan khila hooshiyar pur ne kaha kay woh jalandhar ke PAP mein airforce bharti ke liye itwaar ki raat hi pohanch gaye they. unhon ne kaha ke woh aaj subah taqreeban saadhay paanch bajey se hi maidan mein qataar mein khadey ho gaye they lekin shadeed hujhoom honay ki wajah se woh deewar ke sath sath khadey they. manish ne kaha kay hujhoom ki janib dhaka lagnay ki wajah se maidan ki jis deewar ke sath woh khadey they unke oopar aa giri jis ke neechay taqreeban 15 afraad dab gaye.
Unhon ne bataya ke is douran deewar ke sath hi oopar se guzar ne wali bijli ki taren bhi kuch afraad par gir gayeen jiski zad mein kuch afraad aagaye. is haadsay mein zakhmi afraad ko civil hospital mein bharti karwaya gaya hai jahan taqreeban teen afraad ki haalat naazuk batayi jarahi hai. haadsay mein zakhmi noujawanon ki ittila lainay ke liye SDM Sanjay kumar civil hospital pohanche jahan unhon ne zakhmi afraad se mulaqaat ki. unhon ne kaha ke yeh haadsa kaisay hua? is muamlay ki tahaqeeq sanjeedgi se ki jayegi. PAP maidan mein 8 august tak chalne wali Bharti rally mein riyasat ke 12 azlaa se mutaliq shuraka hissa lainay ke liye aeye hue hain jin mein se jalandhar, hooshiyar pur, nawan shehar, pathankot, roop nagar, moga, ludhiana, gurdas pur, taran, aur kapoor thala shaamil hain. –YTN STAFF