Mumbai: Bollywood Adakara Deepika padukone aur unke shoher Ranveer singh ne alibagh mein 22 crores rupiye mein dusra ghar khareeda hai. Zaraye ne kaha hai ke yeh bungalow pehle D everstone group ke rajesh jaggi ki milkiyat tha. Adakara ke daftar se koie jawab nahi aaya. Zebki.com ke ishterak karda Rejistretion dastawizaat ke mutabiq khareedar KA enterprises LLP hain jaha Deepika Padukone shirkat dar hain aur RS world wide entertainment private limited jaha Ranveer Singh director hain inke naam darj hain.
Dastawizaat se pata chalta hai ke yeh milkiyat 13 September ko rejistered ki gayi thi aur 1.32 crores rupiye stamp duty ke taur par adaa kiye gaye the. Property 2.25 Acer par phaili huwi hai aur is ka tameerati raqba taqreeban 18000 murabba fit hai. Zaraye ne kaha hai ke is bungalow ki qeemat taqreeban 12 hazar rupe fee murabba fit hai. 5 bedroom hall aur kitchen ground plus 1st floor bungalow suterja naami ilaaqe mein waqayi hai jise ab arab patiyon ki gali bhi kaha jaata hai.
Zaraye ne kaha hai ke costel regulation zone ke usool is ilaaqe mein laagu nahi hain aur is wajeh se balet up area zyada hai. Alibagh mein kayi mashhoor shaqsiyat aur sanaet karo ke bungalow hai jaise vidanta resorse ke naween Agarwal Raymond ke gautham singhania unikium leabs ke parkash modi limited Infosys ke salil parekh KKRK sanjay nayer aur nayeka ke falguni nayer aur akwati invester dewen mehta samait deegar yaha maujood hain. Ajents ne bataya ke bollywood adakar Shah rukh khan ka bhi yaha ek bungalow hai. Jo thal sahil ke hussain nazara wazeh dikhta hai. Ali bagh mein bungalow 1 acer se 10 acer tak phaile huwe hain aur inki qeemat 10 crores se 70 corore rupiye ke darmiyan hain.