Hyderabad: Coronavirus se mutasirah 1 shakhs Chaharshamba ki subah Hyderabad ke king kothi hospital se faraar hogaya tha lekin usay chand ghanton ke baad pakad liya gaya jab woh tharoor mein ghar jaraha tha. Tafseelaat mein ye baat maloom hui ke yeh shakhs jo old age home ka mulazim hai aur douran mulazmat wo coronavirus mutasir hua aur usay 15 June ko king kothi hospital mein daakhil karwaya gaya.
Lekin budh ki subah mareez hospital se lapatah hogaya. maloom hua hai ke woh shakhs hospital se faraar hogaya aur LB nagar gaya jahan woh
apne bhai ko phone kiya aur mutala kiya ke woh ghar aaraha hai. mareez ke bhai ne jald hi police aur sehat ki dekh bhaal karne walay ohdedaron ko chokanna kardiya jinhoun ne bus ko roka aur mareez ko Warangal ke MJM hospital muntaqil kardiya. Darin-asna ohdedaran afraad ki shanakht kar rahay hain jinke sath mareez thoroor jatay hue raabtey mein aaya tha. –YTN STAFF