Hyderabad : Shehar-e-Hyderabad ke Nampally mein waqay Dargah Yousufain ka salana Urs jari hai, ittila ke mutabiq Urs ke mauqe par Dargah ke sabiq mutawalli Faisal Ali Shah apne fuqara’a ke hamrah Dargah shareef puhanche aur is douran unkay sathiyoun ne police par haath uthaya.
Dargah Yousufain ke moujooda mutawalli Syed Ullah hussaini nizam ne is waqiya se mutaliq bataya. unhoun ne kaha ke ”Sandal shareef Dargah pohanchaney ke baad ittila mili ke Yousufain bazaar ke paas gadh badh hui hai aur sabiq mutawalli saheb apne fuqara’a ke hamrah aaye aur unki police ke sath dhaka mukhi hui aur unke fuqara’a ne police par haath uthaya.
Unhoun ne kaha ke koi bhi ho aap qanoon ko haath mein nahi le sakte, aur police par haath nahi utha satke, sab ko qanoon ke taabey rehna hai. Syed Ullah hussaini ne kaha ke ”sabiq mutawalli sahab ko pehlay hi kaha gaya tha ke aap Urs ke intizamaa ow Urs taqarib mein hissa na len.
2017 mein hamein bhi keh diya gaya tha ke aap Urs ke intizamaa mein hissa na len to hum logoun ne shirkat nahi ki thi. aur 2018 mein jab court ka order hamaray haq mein aaya aur isi tarha 2019 ki bhi hamein waqf board se ijazat mili aur waqf board ne hamein raqam bhi ajra ki thi to hum ne Urs ke intizamaa kiye. yeh saaf tor par kaha gaya tha ke sabiq mutwalli sahab is mein dakhal andazi nah karen. is ke ba-vajodoh yahan pohonche aur unki police ke sath haatha payi hui. jis ke baad laathi charge bhi hui. is tarha ka amal ek ghalat amal hai. –YTN STAFF