Hyderabad : Jana Sena party ke sadar Pawan Kalyan ney wazeh kiya hai ke Andhra Pradesh ke Dar-ul-hukumat ki taamer sirf Amaravati mein hi honi chahiye. unhon ney kaha ”Yeh sirf 28,000 kisanon ka masla nahi hai, jinhon ney Dar-ul-hukumat ke liye apni zameenen den, balkay yeh riyasat ke logon ka masla hai. Amaravati ke kisanoun, jinhon ney hafta ke roz Hyderabad mein Jana Sena party ke daftar ka dora kiya, unhon ney pawan kalyaan se mulaqaat ki aur unse apni pareshani ka izhaar kiya.
Unhon ney pawan kalyaan ko bataya ke hukoomat ney unke muahiday ke mutabiq is saal ke lease ki raqam muqarrar nahi ki hai aur wazraa aur hukmaran jamaat ke rehnumao ke aalanat tashweesh ka baais hain. is mauqa par khitaab karte hue pawan kalyaan ney kaha ke nai hukoomat ko pichli hukoomat ke faislon par amal Dar- aamad karna chahiye. agar Nizam mein koi be-zabtgiyan ho rahi hain to yeh durust hosakta hai. agar woh Dar-ul-hukumat ko tabdeel karte rahay to hukoomat aur is ki policies par se logon ka etemaad khatam hojayega.
Unhon ney kaha ke ”30 aur 31 August ko Dar-ul-hukumat ke doray par jayenge aur yeh jan-nay ke liye ke kiya taraqi hui hai aur logon ko bhi is se aagah karenge. unhon ney wazeh kiya ki Jana Sena party ehtijaj karne walay kisanon se izhaar yakjahti karegi, jinhon ney naye Dar-ul-hukumat ke liye apni zameenen di theen. jis se woh saal mein teen faslein haasil karte the. –YTN STAFF