Islamabad : Police nay Lahore mein do logoun ko girftar kiya hai jinhoun nay ek khatoon ko nachne se mana karne par tashadud ka rawaiya ikhtiyar kiya .Police mein ki gayi ek shikayat ke mutabiq, ek khatoon Asma Aziz ka shohar aur iske do mulazmeen nay uss ke dance karne se mana karne par is ke sath maar peet ki. Asma ke mutabiq is ka shohar uskay sath hamesha maar peet Kiya karte hai .
Asma Aziz nay kaha ke uss ke shohar nay apne noukaroun ke samnay mere kapday utaar dyie. Staff ne mujhe pakad liya. aur us nay mere baal kaat diye aur jala diya. aur mujhe nanga gasht karanay ki dhamki bhi di. uss nay kaha ke Police nay FIR number denay ya medical jaanch karanay ke badlay mein is se paisay mangey .Uss nay logoun se madad ki appeal karte hue kaha ke is ke Maa Baap mar chuke hain aur is ke paas khane aur rehne ka koi zareya nahi hai .
Police officer Saleem Showkat nay ek channel se baat karte hue bataya ke is khatoon Asma Aziz ke shohar aur is ke ek nokar ko girftar kiya gaya hai. Georgetown Institutes Women, Peace And Security ki fehrist mein shaamil 150 mulkoun mein, Pakistan duniya ke paanch sab se kharab mulkoun mein se ek hai. jahan par sab se ziyada khawateen ke sath tashadud kiya jata hai .