Washington: Is waqt saari duniya ki nazrain America mein nai hukoomat aur iski kabeena par markooz hai aur aaye din Amrici no muntakhib sadar biden ki janib se unki team ke muntakhib arkaan ke naam samnay aarhay hain aur isi fehrist ka ek naam ab manzar aam par aaya hai jiski wajah se urdan ki awam mein khushi ka mahol hai jaisa ke White House ki nai team ke liye urdan ki khatoon Dana Shabat ko musheer ke tor par shaamil kiya hai.
Is elaan ke baad ke ardni nazaad Dana Shabat ka taqarrur ho raha hai woh ab White House mein 50 se ziyada naye ohdedaroun mein qanooni umoor ki musheer hongi.
Shabat ka intikhab doosri arab nazaad khatoon ke tor par hua hai aur woh doosri Amrici khatoon hongi jo Biden intizamia ka hissa hongi, kyunkay pehlay hi Falasteeni nazaad Amrici khatoon reema dodn ko White House ki deputy director baraaye qanoon saazi umoor mutayyan kiya gaya hai .
yaad rahay ke maazi mein Dana Shabat Biden ke aboori daur ke zamane mein qanoon saazi umoor ki musheer ke tour khidmat anjaam day chuki hain.
Dana congress mein mashriq wasti aur shumali Africa ke ohdedaron ki society ki deputy chairman bhi hain. Yeh bohat kam log jantay hain ke Dana Shabat California mein paeda huien aur colorado mein unki parwarish hui hai.
Jahan tak unki taleem ka taaluq hai woh ilm-ul-nafs aur money leadership ke mazmoon mein colorado university se graduation kiya hai. 2017 ke douran qanoon saazi ke maidan mein Amrici senate mein trainer ki hesiyat se apne career ka aaghaz kiya taham haqeeqi maeno mein 2018 mein trainer ki hesiyat se faraiz anjaam dena shuru kiye. Biden ki uboori team ke mutabiq ohdedaron ka intikhab nazriati aur nasli tanawu ki bunyaad par kya jaraha hai. Is ke alawa America mein sangeen challengon se nimatnay ke liye ba-salahiyat afraad ko Biden ki team ka hissa banaya ja raha hai.