Srikakulam: AP ke police sarbarah ke daftar ne ek circle inspector ko moattal kardiya jis ne jhagde par police se rujoo honay walay Dalit nojawan ko laat maari thi. Ye waqea AP ke zila Srikakulam mein pesh aaya. Tafseelaat ke mutabiq Tekkali Town ke rehne walay Ramesh aur Dalit nojawan Jagan dono mein huve jhagde ke baad ek dosray ke khilaaf shikayat ke liye kaasi Kasibugga station se rujoo hue taham circle Circle Inspector Venu Gopal ne Dalit nojawan Jagan ko is ki maa ke samnay laat raseed ki. Is waqea ka video taizi se Social media ke mukhtalif Platforms par Viral hogaya.
Ibtidayi jaanch ke bad Visakhapatnam ke DIG Kalidas Ranga Rao ne Vino Gopal ki muatali ke ehkaam jari kiye. Is waqea par riyasat ki Dalit tanzeemon aur insani haqooq ke groups ne narazgi ka izhaar kiya aur hukoomat se mutalba kiya ke wo khaati inspector ke khilaaf sakht karwai kere. Riyasat ki asal opposition Telugu Desam ke sarbarah N. Chandrababu ney bhi is waqea par saktah ka izhaar kiya aur kaha ke Daliton ke khilaaf mazalim ke waqeat mein izafah hota jaraha hai. Isi douran un ke farzand-o-Telugu Desam ke general secretary Lokesh ney bhi silsilawaar Twits mein kayi misalein den jin mein Dalit nojawanon par mazalim pesh aaye hain.