Moscow: Roos mein 90 sala khatoon ney aalmi waba coronavirus ko shikast daydi, Dawakhana ke amlay ney taliyoun ki goonj mein khatoon ko rukhsat kiya. Duniya bhar mein coronavirus ki tadaad mein heran kun tor par izafah dekhnay mein aaraha hai jabkay Roos mein bhi is bemari ney panje gadhe huve hain taham Roos se ek hosla afzaa khabar aayi hai jahan 90 sala buzurag khatoon ney coronavirus ko shikast daydi hai.
Duniya bhar mein agarchay coronavirus ka shikaar honay ke baad faut honay waloun ki aksariyat bemaar aur omar raseedah afraad hain magar Roos ki ek 90 sala buzurag khatoon dawakhana main 17 din guzaarnay ke baad coronavirus se sahet yab ho gayi hain. Khatoon ko sehatyabi ke baad ghar muntaqil kardiya gaya hai, Buzurag khatoon ke Dischage honay par dawakhana ke amlay ney taliyoun ki goonj mein inhen rukhsat kiya. –YTN STAFF