Kuwait City: Kuwait mein Curfew ki fakharya khilaaf warzi par 2 ladkiyoun ko giraftar karliya gaya. Dono ne Curfew ki khilaaf warzi ke baad Video Clip Social media par shaya ki thi. Kuwait security force ne video Viral honay par dono ladkiyoun ko talaash karkay giraftar karliya. Tafseelaat ke mutabiq Kuwait wizarat dakhla ne Twitter par bayan mein bataya ke social media par ek video viral tha jis mein 2 ladkiyan baar baar curfew ki khilaaf warzi ka elaan ye keh kar rahi theen ke un ka talluq mobayyana tor par ba asar shaksiaat se hai curfew todnay par un ka koi baal bika nahi kerega.
Wizarat dakhla ne kaha ke video ki madad se dono ladkiyoun ko giraftar karliya gaya. Un mein se 1 Arab mulk se talluq rakhti hai jabkay doosri Kuwait shehri hai. Dono ke khilaaf qanooni karwai ki jayegi. Social media par Viral video mein ek ladki ye kehti suni jarahi hai is ke ke mobile mein security force aur qanoon daano ke mobile number hain. Curfew todnay par un ka kuch nahi hoga. Hamaray taluqaat ba asar logoun se hain.
Kuwait Account ( Aman-o-Muhkama) ke mutabiq E crimes aur Al-Salamiya ke sarakhar sanou ne ladkiyoun ki giraftari mein hissa liya. Dono ladkiyoun ku nabaleg honay par bachoun ke juraim ki karwai karne walay public Prosecution ki tehweel mein day diya gaya hai. –YTN STAFF