Cairo: Misri fouj ka ek aur Major General Coronavirus se mutasir hokar chal basa . Guzashta 24 ghantoun ke douran Misri fouj apne 2 ahem ohdedaroun se mahroom hogayi. Media ke mutabiq Misri fouj ke Major General Staff Shafie Abdel Halim Dawoud Coronavirus ki waba se mutasireen ki khidmat par mamoor they wo Misri afwaj mein Engineering Authority ke matehat badday mansooboun ke idaray ke Director ke tor par kaam kar rahay they.
Qabal azeen Misri fouj ke Major General Khaled Shaltout ka Coronavirus se mutasir hokar intqaal hogaya tha. Major General Khaled Shaltout Misri dar-ul-hukoomat Cairo mein Corona waba ke philav ko roknay walay Mission par mamoor they. Tafseelaat ke mutabiq Misri fouj ke deegar ohdedaroun ke bhi Corona mein mubtala honay ki tashkez huvi hai. –YTN STAFF