Cairo: Misri wizarat sahet o abad kaari aur aalmi idaara sahet ke mutabiq Misar mein ek ghair mulki bashinday mein Coronavirus paaya gaya hai. Ye Misar mein Corona ka pehla maamla hai. Ghair mulki ke baarey mein shuba tha ke wo Coronavirus mein mubtala hai. Muaina ki report se is ki tasdeeq hogayi. Mushtarqa aala mein ye nahi bataya gaya ke mutasirah shakhs ka talluq kis mulk se hai. Ye bhi zahir nahi kiya gaya ke wo mard hai ya aurat. Mutasirah shakhs Misar kab pouncha aur wo kis ilaqay mein rahaish pazeer hai. Misar ke sahet hakkaam ne Coronavirus mein mubtala ghair mulki bashende ko dawakhana mein daakhil kardiya hai. Jahan usay deegar mareezoun se allag rakha gaya hai. Is ka ilaaj kiya ja raha hai aur is par kadi nazar rakhi jarahi hai.
Misri sahet hakkaam ke mutabiq ghair mulki mareez ki haalat khatray se bahar hai. Tafseelaat ke mutabiq Mutahidda Arab Emirate ke sahet hakkaam neh elaan kiya ke is ke yahan New Coronavirus mein mubtala 2 afraad sahet yab hogaye jabkay 5 ka ilaaj jari hai. Alawa azeen deegar mumulik se bhi Coronavirus ke mareezoun ki sahet yab honay ki misbet khabrain aa rahi hain jis se awam mein Coronavirus ki dehshat kam honay ke alawa maaljin ke hauslay bhi buland huve hain. –YTN STAFF