Alur: Rajasthan mein zila Alur ke sarkari Rajive Gandhi General Hospital aur sarkari khawateen Hospital mein beroun mulk ghoom kar Hindustan wapas anay walay Dr jodey ney qawaid todkar Operation kar diye baad mein un ka naam Coronavirus mushtaba afradki fehrist mein anay se halchal mach gayi.
Chief Medical afsar Dr Sunil Chuhan ne kaha ke mazkoorah Dr. Joda zaati kaam ka hawala day kar 2 March se 12 March tak chhutti par raha. Is douran wo baghair ijazat ke beroun mulk chalay gaye. Isi douran Coronavirus ke sabab ahtheyat ke tor par mehakma sahet ne tamam tibbi ohdedaroun ki chhutti mansookh kar di thi lekin is ki ittila beroun mulk honay ki wajah se Dr jodey ko nahi mil payi.
Unhoun ne kaha ke is ke baad maahir a maraz noswan Dr khawateen Hospital mein 12 March ko Duty par aaye aur Delivery karwai neez Operation bhi kiye. Doosri taraf un ke shohar maahir amraaz chasham Dr ne Hospital mein motiyaband ka Operation kiya. Dr Chuhan ne kaha ke 13 March ko beroun mulk se wapas aeye mazkoorah Dr jode ke Coronavirus ke mushtaba afraad ki fehrist mein naam anay ki Hospital intizamia ko ittila mili to tibbi shoba mein khalbali much gayi. Is ke baad inhen home Isolation kar diya gaya.
Dr jooday ko baghair ittila ke beroun mulk safar karne, Wapas Duty par aanay aur haqayeq ko chupaney ke liye Notice jari kiya gaya hai. Unhoun ne kaha ke ittila diye baghair Dr beroun mulk ghoom kar aeye aur dawakhane mein Duty anjaam day kar Operation kiye. Ab pooray amlay aur mareezoun ki Screening ke liye 2 teams qayem ki gayi hi. Aala hukkaam ko Dr jooday ki Report bhaij di gayi hai. –YTN STAFF